1. მსურველთა ჩარიცხვასთან დაკავშირებულ ორგანიზაციულ და საინფორმაციო უზრუნველყოფას აწარმოებს დაწესებულების მიმღები კომისია (შემდეგში - მიმღები კომისია), რომელსაც ქმნის და წევრებით აკომპლექტებს დაწესებულების ხელმღვანელი ინდივიდუალური ადმინისტრაციულ-სამართლებრივი აქტით.2. მიმღები კომისია დაწესებულების ხელმძღვანელის მუდმივმოქმედი სათათბირო კოლეგიური ორგანოა, რომელიც შედგება მინიმუმ 3 წევრისაგან. იგი ვალდებულია:ა) ორგანიზება გაუწიოს საბუთების მიღების პროცესს, კერძოდ: აწარმოოს დაწესებულებაში ამა თუ იმ სპეციალობაზე ჩარიცხვის მსურველთა განცხადებისა და თანდართული საბუთების მიღება (რეგისტრაცია), შესაბამისი ცნობის გაცემა, ამ წესით და მოქმედი კანონმდებლობით განსაზღვრულ დაწესებულებაში ჩასარიცხად დადგენილ მოთხოვნებთან შესაბამისობის შემოწმება, ხარვეზის შემცველობის შემთხვევაში - ხარვეზზე მითითება და მის აღმოსაფხვრელად ვადის განსაზღვრა საქართველოს ადმინისტრაციული კოდექსის შესაბამისად, განაცხადების გადარჩევა;ბ) აწარმოოს ჩარიცხვის მსურველთა მიერ განცხადებასთან ერთად წარმოდგენილი დოკუმენტების სანდოობის შემოწმება;გ) მოამზადოს და ხელმოსაწერად წარმოადგინოს დაწესებულების ხელმძღვანელის ინდივიდულაური ადმინისტრაციულ-სამართლებრივი აქტების პროექტები ჩარიცხვის მსურველთა განაცხადებზე, ასევე, მის კომპეტენციას მიკუთვნებულ საკითხებზე;დ) აწარმოოს დაინტერესებულ პირთა ინფორმირება დაწესებულებაში ჩასარიცხად განსაზღვრული პროცედურების გავლის შედეგებისა და მათ მიმართ გამოტანილი საბოლოო გადაწყვეტილების (ჩარიცხვა ან ჩარიცხვაზე უარის თქმა) შესახებ;ე) აწარმოოს ჩარიცხვის მსურველთა (განმცხადებელთა) მონაცემთა (ვინაობა, განაცხადის წარმოდგენის თარიღი და რეგისტრაციის ნომერი, დასახელებული სპეციალობა, შეღავათები (ასეთის არსებობის შემთხვევაში), წარმოდგენილი დოკუმენტების ნუსხა, შერჩევის ეტაპებზე მიღებული შეფასება/შეფასებები, დაწესებულების მიერ მიღებული გადაწყვეტილება) ელექტრონული და დოკუმენტური რეესტრი სპეციალობების და ჩარიცხვის შესახებ განაცხადების მიღების პერიოდების მიხედვით;ვ) თითოეული განმცხადებლის "პირადი საქმის" შექმნა და ჩარიცხვის შესახებ გადაწყვეტილების მიღების შემდეგ გადასცეს ისინი (მათ შორის იმ პირთა "პირადი საქმეები", რომლებიც არ იქნენ ჩარიცხულნი) შემადგენლობის აღრიცხვით დაწესებულების შესაბამის უფლებამოსილ პირს;ზ) სისტემატიურად ფლობდეს და აწარმოებდეს მონაცემებს სპეციალობების ვაკანტური და შეევსებული ადგილების შესახებ განაცხადების მიღების პერიოდების მიხედვით;თ) ადგილზე განახორციელოს დაინტერესებულ პირთა ინფორმირება დაწესებულებაში სწავლებადი პროფესიული საგანმანათლებლო პროგრამების, ჩარიცხვის სავალდებულო წინაპირობების, ვადების, პროგრამების დაფინანსების პირობებისა და არსებული ვაკანტური ადგილების შესახებ;ი) უზრუნველყოს დაწესებულებაში ჩარიცხვის პროცედურის სამართლიანობა და გამჭვირვალობა;კ) ნებისმიერ დროს უზრუნველყოს დაინტერესებული პირის მირ წინამდებარე წესისა და სასწავლო განაწესის გაცნობის შესაძლებლობა;ლ) დაწესებულების ხელმძღვანელს წარუდგინოს შესრულებული სამუშაოს შესახებ პერიოდული ანგარიში ჩარიცხვის შესახებ გადაწყვეტილების მიღებამდე.

1.ობლები და მეურვეობა/მზრუნველობის გარეშე დარჩენილი 21 წლამდე პირები ისარგებლებენ 50% იანი ფასდაკლებით;2.საქართველოს ტერიტორიული მთლიანობისთვის ბრძოლებში დაღუპულ პირთა შვილები ისარგებლებენ 20% იანი ფასდაკლებით.3.სოციალურად დაუცველი ოჯახის წევრები ისარგებლებენ 20% იანი ფასდაკლებით.4.მარტოხელა ოჯახის წევრები ისარგებლებენ 20% იანი ფასდაკლება.5.თუ ერთი ოჯახიდან სწავლობს ერთდროულად ცენტრში 2 სტუდენტი ისარგებლებენ 10-10% იანი ფასდაკლებით.

1. სტუდენტის „პირადი საქმე" ყალიბდება მიმღები კომისიის მიერ და შემდგომი წარმოებისათვის გადაეცემა დაწესებულების საამისოდ უფლებამოსილ თანამშრომელს, ხოლო სწავლის დასრულების შემდეგ – დაწესებულების არქივზე პასუხისმგებელ პირს.2. სტუდენტის "პირადი საქმე" შეიცავს:ა) საბუთების მიღების ეტაპზე წარმოდგენილ ყველა დოკუმენტაციას, მათ შორის პირად (არსრულწლოვნის შემთხვევაში - კანონიერი წარმომადგენლის) განცხადებას;ბ) ჩარიცხვის ან ჩარიცხვაზე უარის თქმის, დისციპლინის დარღვევის და ა.შ. შესახებ დაწესებულების ხელმძღვანელის ინდივიდულაური ადმინისტრაციულ-სამართლებრივი აქტების, ასევე, სასწავლო ხელშეკრულების და სხვა სამართლებრივი დოკუმენტების კანონმდებლობით დადგენილი წესით დამოწმებულ ასლებს.გ) ნებისმიერ ისეთ დოკუმენტს, რომელიც პირდაპირ და უშუალო კავშირშია სტუდენტის უფლებებსა და მოვალეობებთან და მოქმედი კანონმდებლობის ან მხარეთა შეთანხმების თანახმად არ არსებობს მისი სხვა დოკუმენტებთან შენახვის ვალდებულება.3. სტუდენტის "პირად საქმეში" მოთავსებული დოკუმენტაცია დაწესებულების საკუთრებაა (გარდა უშუალოდ დედნის სახით წარმოდგენილი დოკუმენტისა) და რჩება მასთან. მის წარმეობაზე პასუხისმგებელი პირი ვალდებულია აწარმოოს "პირადი საქმის" შემადგენლობის აღრიცხვა და თანდართვა. ნებისმიერი ცვლილება შემადგენლობაში სავალდებულოა აღინიშნოს შესაბამისი ჩანაწერით, ხელმოწერით, თარიღის აღნიშვნით.